hua hai saKHt mushkil dafan hona tere wahshi ka
jahan par qabr khodi jati hai patthar nikalte hain

Rasheed lakhnavi

---

---

ai gul-andam ye hai fasl-e-jawani ka uruj
husn ka rang Tapakne ko hai ruKHsaron se

Rasheed lakhnavi

---

---

hamari zindagi-o-maut ki ho tum raunaq
charagh-e-bazm bhi ho aur charagh-e-fan bhi ho

Rasheed lakhnavi

---

---

hans hans ke kah raha hai jalana sawab hai
zalim ye mera dil hai charagh-e-haram nahin

Rasheed lakhnavi

---

---

gae the hazrat-e-zahid to zard tha chehra
sharab-KHane se nikle to surKH-ru nikle

Rasheed lakhnavi

---

---

donon aankhen dil jigar hain ishq hone mein sharik
ye to sab achchhe rahenge mujh par ilzam aaega

Rasheed lakhnavi

---

---

dil hai shauq-e-wasl mein muztar nazar mushtaq-e-did
jo hai mashghul apni apni sai-e-la-hasil mein hai

Rasheed lakhnavi

---

---

dekhiye lazim-o-malzum ise kahte hain
dil hai daghon ke liye dagh mere dal ke liye

Rasheed lakhnavi

---

---

uton ke dil mein hamari kuchh ab hui hai jagah
KHuda ne rahm kiya warna mar gae hote

Rasheed lakhnavi

---

---