aaj bar-e-gosh hai meri sada us ko magar
mere sheron ko zamana der tak dohraega

Rana Gannauri

---

---

ab mujhe thoDi si ghaflat se bhi Dar lagta hai
aankh lagti hai ki diwar se sar lagta hai

Rana Gannauri

---

---

ai KHuda main sun raha hun aahaTen us waqt ki
jab teri duniya ka har banda KHuda ho jaega

Rana Gannauri

---

---

hum ne duniya se suluk aisa kiya hai 'rana'
hum na honge to bahut yaad karegi duniya

Rana Gannauri

---

---

hamara dil to gham mein bhi KHushi mahsus karta hai
wahi mushkil mein rahte hain jo gham ko gham samajhte hain

Rana Gannauri

---

---

har ek ki hai pasand apni har ek ka hai mizaj apna
wafa mujh ko pasand aai pasand aai jafa us ko

Rana Gannauri

---

---

har shaKHs yahan sahib-e-idrak nahin hai
har shaKHs ko tum sahib-e-idrak na kahna

Rana Gannauri

---

---

KHud tarashna patthar aur KHuda bana lena
aadmi ko aata hai kya se kya bana lena

Rana Gannauri

---

---

KHushi hum se kinara kar rahi hai
hamein gham ko bhi apnana paDega

Rana Gannauri

---

---