dekhne wale ye kahte hain kitab-e-dahr mein
tu sarapa husn ka naqsha hai main taswir-e-ishq

Parveen Umm-e-Mushtaq

---

---

dilwaiye bosa dhyan bhi hai
is qarza-e-wajib-ul-ada ka

Parveen Umm-e-Mushtaq

---

---

aabdida ho ke wo aapas mein kahna alwidaa
us ki kam meri siwa aawaz bharrai hui

Parveen Umm-e-Mushtaq

---

---

farq kya maqtal mein aur gulzar mein
Dhaal mein hain phul phal talwar mein

Parveen Umm-e-Mushtaq

---

---

gar aap pahle rishta-e-ulfat na toDte
mar miT ke hum bhi KHair nibhate kisi tarah

Parveen Umm-e-Mushtaq

---

---

hawa mein jab uDa parda to ek bijli si kaundi thi
KHuda jaane tumhaara partaw-e-ruKHsar tha kya tha

Parveen Umm-e-Mushtaq

---

---

hoti na shariat mein parastish kabhi mamnua
gar pahle bhi but-KHanon mein hote sanam aise

Parveen Umm-e-Mushtaq

---

---

ek adna sa parda hai ek adna sa tafawut
maKHluq mein mabud mein bande mein KHuda mein

Parveen Umm-e-Mushtaq

---

---

jaan ghul chuki hai gham mein ek tan hai wo bhi mohmal
mani nahin hain bilkul mujh mein agar bayan hun

Parveen Umm-e-Mushtaq

---

---