aangan aangan KHun ke chhinTe chehra chehra be-chehra
kis kis ghar ka zikr karun mein kis kis ke sadmat likhun

Obaidur Rahman

---

---

jahan pahunchne ki KHwahish mein umr bit gai
wahin pahunch ke hayat ek KHayal-e-KHam hui

Obaidur Rahman

---

---

jab dhup sar pe thi to akela tha mein 'obaid'
ab chhanw aa gai hai to sab yar aae hain

Obaidur Rahman

---

---

hamein to KHwab ka ek shahr aankhon mein basana tha
aur is ke baad mar jaane ka sapna dekh lena tha

Obaidur Rahman

---

---

hamein hijrat samajh mein itni aai
parinda aab-o-dana chahta hai

Obaidur Rahman

---

---

ghaTti baDhti rahi parchhain meri KHud mujh se
lakh chaha ki mere qad ke barabar utre

Obaidur Rahman

---

---

dikhao surat-e-taza bayan se pahle
kahani aur hai kuchh dastan se pahle

Obaidur Rahman

---

---

achchon ko hum na ek khilauna bhi de sake
gham aur baDh gaya hai jo tyauhaar aae hain

Obaidur Rahman

---

---

apni hi zat ke mahbas mein samane se uTha
dard ehsas ka sine mein dabane se uTha

Obaidur Rahman

---

---