mere sine se lag kar der tak roti hai tanhai
kisi ne kah diya us se mohabbat ho gai mujh ko

Neel Ahmed

---

---

apni aankhen nahin jalaungi
main ne bujhte charagh dekhe hain

Neel Ahmed

---

---

kitne aalam guzar gae mujh par
tum ko socha tha ek lamhe ko

Neel Ahmed

---

---

kisi ko yaad karne ke nahin maKHsus kuchh lamhe
koi jab yaad aa jae to phir wo yaad aata hai

Neel Ahmed

---

---

KHud-farebi rahe to achchha hai
KHud-shanasi tabah kar degi

Neel Ahmed

---

---

jab jab tum ko yaad karen hum
tab tab barish ho jati hai

Neel Ahmed

---

---

hawa ka rang nahin hai magar mizaj to hai
hawa se dosti karna koi mazaq nahin

Neel Ahmed

---

---

dil ki udasiyon ka koi sabab nahin hai
bas ye sabab hai mere dil ki udasiyon ka

Neel Ahmed

---

---

aur phir mohabbat mein ji ke mar ke dekha hai
log sochte hain jo hum ne kar ke dekha hai

Neel Ahmed

---

---