meri baaton mein kya malum kab soe wo kab jage
sire se is liye kahni paDi phir dastan mujh ko

Nazm tabaa-tabaa.ii

---

---

yun main sidha gaya wahshat mein bayaban ki taraf
hath jis tarah se aata hai gareban ki taraf

Nazm tabaa-tabaa.ii

---

---

ye dil ki be-qarari KHak ho kar bhi na jaegi
sunati hai lab-e-sahil se ye reg-e-rawan mujh ko

Nazm tabaa-tabaa.ii

---

---

uDai KHak jis sahra mein tere waste main ne
thaka-manda mila in manzilon mein aasman mujh ko

Nazm tabaa-tabaa.ii

---

---

uD ke jati hai meri KHak idhar gah udhar
kuchh pata de na gai umr-e-gurezan apna

Nazm tabaa-tabaa.ii

---

---

tu ne to apne dar se mujh ko uTha diya hai
parchhain phir rahi hai meri usi gali mein

Nazm tabaa-tabaa.ii

---

---

sahar ko uThte hain wo dekh kar kaf-e-rangin
ab aaine pe bhi sikke hina ke baiTh gae

Nazm tabaa-tabaa.ii

---

---

oz-e-siyah mein sath koi de to jaaniye
jab tak farogh-e-shama hai parwana sath hai

Nazm tabaa-tabaa.ii

---

---

nazar kahin nahin ab aate hazrat-e-naseh
suna hai ghar mein kisi mah-laqa ke baiTh gae

Nazm tabaa-tabaa.ii

---

---