na gul apna na KHar apna na zalim baghban apna
banaya aah kis gulshan mein hum ne aashiyan apna

Nazeer Akbarabadi

---

---

main hun patang-e-kaghzi Dor hai us ke hath mein
chaha idhar ghaTa diya chaha udhar baDha diya

Nazeer Akbarabadi

---

---

marta hai jo mahbub ki Thokar pe 'nazir' aah
phir us ko kabhi aur koi lat nahin lagti

Nazeer Akbarabadi

---

---

mazmun-e-sard-mehri-e-jaanan raqam karun
gar hath aae kaghaz-e-kashmir ka waraq

Nazeer Akbarabadi

---

---

meri is chashm-e-tar se abr-e-baran ko hai kya nisbat
ki wo dariya ka pani aur ye KHun-e-dil hai barsati

Nazeer Akbarabadi

---

---

munh zard o aah-e-sard o lab-e-KHushk o chashm-e-tar
sachchi jo dil-lagi hai to kya kya gawah hai

Nazeer Akbarabadi

---

---

muntazir us ke dila ta-ba-kuja baiThna
sham hui ab chalo subh phir aa baiThna

Nazeer Akbarabadi

---

---

'nazir' teri ishaaraton se ye baaten ghairon ki sun raha hai
wagarna kis mein thi tab-o-taqat jo us se aa kar kalam karta

Nazeer Akbarabadi

---

---

qismat mein gar hamari ye mai hai to saqiya
be-iKHtiyar aap se shisha karega jast

Nazeer Akbarabadi

---

---