حصار گوش سماعت کی دسترس میں کہاں
تو وہ صدا جو فقط جسم کو سنائی دے

مصور سبزواری

---

---

ہمارے بیچ میں اک اور شخص ہونا تھا
جو لڑ پڑے تو کوئی بھی نہیں منانے کا

مصور سبزواری

---

---

گزرتے پتوں کی چاپ ہوگی تمہارے صحن انا کے اندر
فسردہ یادوں کی بارشیں بھی مجھے بھلانے کے بعد ہوں گی

مصور سبزواری

---

---

فیصلہ تھے وقت کا پھر بے اثر کیسے ہوئے
سچ کی پیشانی پہ ہم جھوٹی خبر کیسے ہوئے

مصور سبزواری

---

---

دیکھ وہ دشت کی دیوار ہے سب کا مقتل
اس برس جاؤں گا میں اگلے برس جائے گا تو

مصور سبزواری

---

---

عذابوں سے ٹپکتی یہ چھتیں برسوں چلیں گی
ابھی سے کیوں مکیں مصروف ماتم ہو گئے ہیں

مصور سبزواری

---

---

اپنے ہونے کا کچھ احساس نہ ہونے سے ہوا
خود سے ملنا مرا اک شخص کے کھونے سے ہوا

مصور سبزواری

---

---