wafa ki kaun si manzil pe us ne chhoDa tha
ki wo to yaad hamein bhul kar bhi aata hai

Mohsin Naqvi

---

---

logo bhala is shahr mein kaise jiyenge hum jahan
ho jurm tanha sochna lekin saza aawargi

Mohsin Naqvi

---

---

mausam-e-zard mein ek dil ko bachaun kaise
aisi rut mein to ghane peD bhi jhaD jate hain

Mohsin Naqvi

---

---

palaT ke aa gai KHeme ki samt pyas meri
phaTe hue the sabhi baadalon ke mashkize

Mohsin Naqvi

---

---

shaKH-e-uriyan par khila ek phul is andaz se
jis tarah taza lahu chamke nai talwar pa

Mohsin Naqvi

---

---

sirf hathon ko na dekho kabhi aankhen bhi paDho
kuchh sawali baDe KHuddar hua karte hain

Mohsin Naqvi

---

---

tumhein jab ru-ba-ru dekha karenge
ye socha hai bahut socha karenge

Mohsin Naqvi

---

---

yun dekhte rahna use achchha nahin 'mohsin'
wo kanch ka paikar hai to patthar teri aankhen

Mohsin Naqvi

---

---

ye kis ne hum se lahu ka KHiraj phir manga
abhi to soe the maqtal ko surKH-ru kar ke

Mohsin Naqvi

---

---