KHanda-e-lab mein nihan zaKHm-e-hunar dekhega kaun
bazm mein hain sab ke sab ahl-e-nazar dekhega kaun

Mohsin Bhopali

---

---

ab ke mausam mein ye meyar-e-junun Thahra hai
sar salamat rahen dastar na rahne pae

Mohsin Bhopali

---

---

jaane wale sab aa chuke 'mohsin'
aane wala abhi nahin aaya

Mohsin Bhopali

---

---

is liye sunta hun 'mohsin' har fasana ghaur se
ek haqiqat ke bhi ban jate hain afsane bahut

Mohsin Bhopali

---

---

iblagh ke liye na tum aKHbar dekhna
ho justuju to kucha-o-bazar dekhna

Mohsin Bhopali

---

---

hamari jaan pe dohra azab hai 'mohsin'
ki dekhna hi nahin hum ko sochna bhi hai

Mohsin Bhopali

---

---

ek muddat ki rifaqat ka ho kuchh to inam
jate jate koi ilzam lagate jao

Mohsin Bhopali

---

---

adan ko raundne walo zamir zinda hai
jo haq ki puchh rahe ho to haq ada na hua

Mohsin Bhopali

---

---

aat kahne ki hamesha bhule
lakh angusht pe dhaga bandha

Mohsin Bhopali

---

---