'mohsin' aur bhi nikhrega in sheron ka mafhum
apne aap ko pahchanenge jaise jaise log

Mohsin Bhopali

---

---

'mohsin' apnaiyat ki faza bhi to ho
sirf diwar-o-dar ko makan mat samajh

Mohsin Bhopali

---

---

lafzon ko e'timad ka lahja bhi chahiye
zikr-e-sahar baja hai yaqin-e-sahar bhi hai

Mohsin Bhopali

---

---

lafzon ke ehtiyat ne mani badal diye
is ehtimam-e-shauq mein husn-e-asar gaya

Mohsin Bhopali

---

---

ab ke mausam mein ye meyar-e-junun Thahra hai
sar salamat rahen dastar na rahne pae

Mohsin Bhopali

---

---

koi surat nahin KHarabi ki
kis KHarabe mein bas raha hai jism

Mohsin Bhopali

---

---

kis qadar nadim hua hun main bura kah kar use
kya KHabar thi jate jate wo dua de jaega

Mohsin Bhopali

---

---

KHanda-e-lab mein nihan zaKHm-e-hunar dekhega kaun
bazm mein hain sab ke sab ahl-e-nazar dekhega kaun

Mohsin Bhopali

---

---

jo mile the hamein kitabon mein
jaane wo kis nagar mein rahte hain

Mohsin Bhopali

---

---