jis lafz ko main toD ke KHud TuT gaya hun
kahta bhi to wo us ko gawara nahin hota

Mohsin Asrar

---

---

jis din ke guzarte hi yahan raat hui hai
ai kash wo din main ne guzara nahin hota

Mohsin Asrar

---

---

aankh se aankh milana to suKHan mat karna
Tok dene se kahani ka maza jata hai

Mohsin Asrar

---

---

jaise sajde mein qatl ho koi
aisa hota hai chahaton ka maza

Mohsin Asrar

---

---

jagah badalne se haiat kahan badalti hai
jo aaina hai sada aaina rahega wo

Mohsin Asrar

---

---

hawa charagh bujhane lagi to hum ne bhi
diye ki lau ki jagah tera intizar rakha

Mohsin Asrar

---

---

ham-sae ka sukh to us ke KHwab ka pura hona hai
tum par riqqat tari ho to ro lo lekin shor na ho

Mohsin Asrar

---

---

hum apne zahir o baatin ka andaza laga len
phir us ke samne jaane ki tayyari karenge

Mohsin Asrar

---

---

ghar mein rahna mera goya use manzur nahin
jab bhi aata hai naya kaam bata jata hai

Mohsin Asrar

---

---