naqe se dur rah gaya aaKHir na qais tu
kahte na the ki panw se mat khinch KHar ko

Meer Hasan

---

---

nasehon ke hath se chhoDenge rahna shahr ka
dekhte hain aur din do-chaar ab banti nahin

Meer Hasan

---

---

nau-giraftari ke bais muztarib sayyaad hun
lagte lagte ji qafas mein bhi mera lag jaega

Meer Hasan

---

---

naujawani ki did kar lije
apne mausam ki id kar lije

Meer Hasan

---

---

nazar aane se rah gaya az-bas
chha gaya intizar aankhon mein

Meer Hasan

---

---

qismat ne dur aisa hi phenka hamein ki hum
phir jite-ji pahunch na sake apne yar tak

Meer Hasan

---

---

akhkhun kahan main apne pari-zad ko 'hasan'
shisha jo ek dil ka mere hai so chur hai

Meer Hasan

---

---

sada aish dauran dikhata nahin
gaya waqt phir hath aata nahin

Meer Hasan

---

---

sar ko na phenk apne falak par ghurur se
tu KHak se bana hai tera ghar zamin hai

Meer Hasan

---

---