qubul kaise karun un ka faisla ki ye log
mere KHilaf hi mera bayan mangte hain

Manzoor Hashmi

---

---

main us ke bare mein itna ziyaada sochta hun
ki ek roz use ru-ba-ru to hona hai

Manzoor Hashmi

---

---

mom ke putle the hum aur garm hathon mein rahe
jis ne jo chaha hamein waisa bana kar le gaya

Manzoor Hashmi

---

---

na jaane us ki kahani mein kitne pahlu hain
ki jab suno to naya waqia nikalta hai

Manzoor Hashmi

---

---

nai faza ke parinde hain kitne matwale
ki baal-o-par se bhi pahle uDan mangte hain

Manzoor Hashmi

---

---

pani mein zara der ko halchal to hui thi
phir yun tha ki jaise koi Duba hi nahin tha

Manzoor Hashmi

---

---

pata nahin ki juda ho ke kaise zinda hain
hamara us ka talluq to jism-o-jaan ka tha

Manzoor Hashmi

---

---

yaqin ho to koi rasta nikalta hai
hawa ki oT bhi le kar charagh jalta hai

Manzoor Hashmi

---

---

ummid o yas ki rut aati jati rahti hai
magar yaqin ka mausam nahin badalta hai

Manzoor Hashmi

---

---