mere talwon ke lahu se hogi raushan har jihat
rah-rawan-e-rah-e-manzil honge shashdar dekhna

Mahfuzur Rahman Adil

---

---

un safinon ki tabahi mein hai ibrat ka sabaq
jo kinare tak pahunch kar nazr-e-tufan ho gae

Mahfuzur Rahman Adil

---

---

usi ne baKHsha hai mujh ko shuur jine ka
jo mushkilon ki ghaDi bar bar aai hai

Mahfuzur Rahman Adil

---

---

waqt ki gardishon ka gham na karo
hausle mushkilon mein palte hain

Mahfuzur Rahman Adil

---

---

wo jaga kar hum ko sab KHush-manzari le jaega
KHwab kya hai KHwab ki tabir bhi le jaega

Mahfuzur Rahman Adil

---

---

wo lala-badan jhil mein utra nahin warna
shoale mutawatir isi pani se nikalte

Mahfuzur Rahman Adil

---

---

wo meri aawaragardi wo mera diwana-pan
wo meri tazim mein diwar-o-dar ka jagna

Mahfuzur Rahman Adil

---

---

ye bhi hai mara hua saqi ki chashm-e-naz ka
is liye 'adil' ko shishe ki pari achchhi lagi

Mahfuzur Rahman Adil

---

---

zindagi ko hausla dene ke KHatir
KHwahishon ko reza reza chun raha hun

Mahfuzur Rahman Adil

---

---