koi aazad ho to ho yaro
hum to hain ishq ke asiron mein

Maatam Fazl Mohammad

---

---

KHat dekh kar mera mere qasid se yun kaha
kya gul nahin hua wo charagh-e-sahar hanuz

Maatam Fazl Mohammad

---

---

jahan se hun yahan aaya wahan jaunga aaKHir ko
mera ye haal hai yaro na mustaqbil na mazi hun

Maatam Fazl Mohammad

---

---

aaj kal jo kasrat-e-shoridgan-e-ishq hai
roz hote jate hain haddad naukar saikDon

Maatam Fazl Mohammad

---

---

ishq-e-KHuban nahin hai aisi shai
bandh kar rakhiye jis ko puDiya mein

Maatam Fazl Mohammad

---

---

hindu bacha ne chhin ke dil mujh se yun kaha
hindostan bhi kishwar-e-turkan se kam nahin

Maatam Fazl Mohammad

---

---

hath ka bazu ka gardan ka kamar ka kis ke
hum ko tawizon mein yahi chaar hi bhae tawiz

Maatam Fazl Mohammad

---

---

deta hai roz roz dilase nae nae
kis tarah e'tibar ho 'hafiz' ke fal pa

Maatam Fazl Mohammad

---

---

dekh kar hath mein tasbih gale mein zunnar
mujh se bezar hue kafir o din-dar juda

Maatam Fazl Mohammad

---

---