safar uljha diye hain us ne sare
mere pairon mein jo tezi paDi hai

Liaqat Jafri

---

---

us aaine mein tha sarsabz bagh ka manzar
chhua jo main ne to do titliyan nikal aain

Liaqat Jafri

---

---

usi ke nur se ye raushni bachi hui thi
mere nasib mein jo tirgi bachi hui thi

Liaqat Jafri

---

---

wajud apna hai aur aap tai karenge hum
kahan pe hona hai hum ko kahan nahin hona

Liaqat Jafri

---

---

wo hangama guzar jata udhar se
magar raste mein KHamoshi paDi hai

Liaqat Jafri

---

---