ek aaseb taaqub mein laga rahta hai
main jo rukta hun to phir us ki sada chalti hai

Liaqat Jafri

---

---

haalanki pahle sae se rahti thi kashmakash
ab apne bojh se hi daba ja raha hun main

Liaqat Jafri

---

---

hum bhi ji bhar ke tujhe koste phirte lekin
hum tera lahja-e-be-bak kahan se laen

Liaqat Jafri

---

---

lafz ko ilham mani ko sharar samjha tha main
dar-haqiqat aib tha jis ko hunar samjha tha main

Liaqat Jafri

---

---

main aaKHiri tha jise sarfaraaz hona tha
mere hunar mein bhi kotahiyan nikal aain

Liaqat Jafri

---

---

main bahut jald lauT aaunga
tum mera intizar mat karna

Liaqat Jafri

---

---

main kuchh din se achanak phir akela paD gaya hun
nae mausam mein ek wahshat purani kaTti hai

Liaqat Jafri

---

---

mere qabile mein talim ka riwaj na tha
mere buzurg magar taKHtiyan banate the

Liaqat Jafri

---

---

phir murattab kiye gae jazbaat
ishq ko ibtida mein rakkha gaya

Liaqat Jafri

---

---