ek ishaara sar-e-mahfil jo kiya us gul ne
chaunke das bis ruke saikDon khaTke lakhon

Lala Madhav Ram Jauhar

---

---

ilahi kya khule didar ki rah
udhar darwaze band aankhen idhar band

Lala Madhav Ram Jauhar

---

---

is bala ko to KHuda jald kare shahr-badar
kale pani ko rawana shab-e-hijran ho jae

Lala Madhav Ram Jauhar

---

---

is qamar ko kabhi to dekhenge
tis din hote hain mahine ke

Lala Madhav Ram Jauhar

---

---

is taraf dair udhar kaba kidhar ko jaun
is do-rahe mein kahan yar raha karta hai

Lala Madhav Ram Jauhar

---

---

istiKHare ke liye bagh mein hum rindon ne
bar-ha dana-e-angur ki ki hai tasbih

Lala Madhav Ram Jauhar

---

---

jab kabhi main ne ye puchha ki KHata kis ki hai
be-dhaDak bol uThe tere siwa kis ki hai

Lala Madhav Ram Jauhar

---

---

jab kahte hain hum karte ho kyun wada-KHilafi
farmate hain hans kar ye nai baat nahin hai

Lala Madhav Ram Jauhar

---

---

janab-e-shaiKH ko sujhe na phir haram o halal
abhi piyen jo mile muft ki sharab kahin

Lala Madhav Ram Jauhar

---

---