phul jab jhaDne lage rangin-bayani se meri
rah gai hairat se bulbul khol kar minqar ko

Khwaja Mohammad Vazeer Lakhnavi

---

---

phir wahi hum the wahi tum the mohabbat the wahi
sulh kar lete agar aankhen laDane ke liye

Khwaja Mohammad Vazeer Lakhnavi

---

---

pahunchaya ta-ba-kaba-e-maqsud faqr ne
tark-e-libas-e-jama-e-ehram ho gaya

Khwaja Mohammad Vazeer Lakhnavi

---

---

pahan lo ai buto zunnar-e-tasbih-e-sulaimani
rakho raazi isi parde mein har shaiKH-o-barahman ko

Khwaja Mohammad Vazeer Lakhnavi

---

---

na ponchho mere aansu tum na ponchho
kahega koi tum ko KHosha-chin hai

Khwaja Mohammad Vazeer Lakhnavi

---

---

mera kuchh haal kah kar zikr-e-majnun karte hain aashiq
kitab-e-ashiqi mein apna qissa pesh-KHwani hai

Khwaja Mohammad Vazeer Lakhnavi

---

---

kya isi ne ye kiya matla-e-abru mauzun
tum jo kahte ho suKHan-go hai baDi meri aankh

Khwaja Mohammad Vazeer Lakhnavi

---

---

kya hai harjai hasinan-e-jahan sari hain
ye wo aKHtar hain ki sabit nahin sayyari hain

Khwaja Mohammad Vazeer Lakhnavi

---

---

kya did ke qabil tere kuche ki zamin hai
har gam hai naqsh-e-qadam-e-rah-guazri aankh

Khwaja Mohammad Vazeer Lakhnavi

---

---