phul kar le nibah kanTon se
aadmi hi na aadmi se mile
Khumar Barabankavi
na to hosh se taaruf na junun se aashnai
ye kahan pahunch gae hain teri bazm se nikal ke
what is this place that I have reached, having left your company
Khumar Barabankavi
mujhe to un ki ibaadat pe rahm aata hai
jabin ke sath jo sajde mein dil jhuka na sake
Khumar Barabankavi
mujhe ko mahrumi-e-nazara qubul
aap jalwe na apne aam karen
Khumar Barabankavi
mohabbat ko samajhna hai to naseh KHud mohabbat kar
kinare se kabhi andaza-e-tufan nahin hota
if love you need to fathom, friend, in love you need to be
the storm cannot be felt by merely sitting by the sea
Khumar Barabankavi
mere rahbar mujh ko gumrah kar de
suna hai ki manzil qarib aa gai hai
Khumar Barabankavi
KHuda bachae teri mast mast aankhon se
farishta ho to bahak jae aadmi kya hai
Khumar Barabankavi
kahin sher o naghma ban ke kahin aansuon mein Dhal ke
wo mujhe mile to lekin kai suraten badal ke
Khumar Barabankavi
jhunjhlae hain lajae hain phir muskurae hain
kis ehtimam se unhen hum yaad aae hain
Khumar Barabankavi