jawab DhunD ke sare jahan se jab lauTe
hamein to kar gaya yak-laKHt la-jawab koi

Khaleel Mamoon

---

---

aisa ho zindagi mein koi KHwab hi na ho
andhiyari raat mein koi mahtab hi na ho

Khaleel Mamoon

---

---

hazaron chand sitare chamak gae hote
kabhi nazar jo teri mail-e-karam hoti

Khaleel Mamoon

---

---

har ek kaam hai dhoka har ek kaam hai khel
ki zindagi mein tamasha bahut zaruri hai

Khaleel Mamoon

---

---

har ek jagah bhaTakte phirenge sari umr
bil-aKHir apne hi ghar jaenge kisi din hum

Khaleel Mamoon

---

---

fath ke jashn mein hain sab sarshaar
main to apni hi mat mein gum hun

Khaleel Mamoon

---

---

dil mein umang aur irada koi to ho
be-kaif zindagi mein tamasha koi to ho

Khaleel Mamoon

---

---

dard ke sahaare kab talak chalenge
sans ruk rahi hai fasla baDa hai

Khaleel Mamoon

---

---

chalna likha hai apne muqaddar mein umr bhar
manzil hamari dard ki rahon mein gum hui

Khaleel Mamoon

---

---