sab log hamein ek nazar aate hain
andaza nahin hota hai ab chehron ka

Khaleel Mamoon

---

---

masruf-e-gham hain kaun-o-makan jagte raho
KHwabon se uTh raha hai dhuan jagte raho

Khaleel Mamoon

---

---

meri tarah se ye bhi sataya hua hai kya
kyun itne dagh dikhte hain mahtab mein abhi

Khaleel Mamoon

---

---

mera wajud o adam bhi ek hadsa naya hai
main dafn hun kahin kahin se nikal raha hun

Khaleel Mamoon

---

---

mujhe pahunchna hai bas apne-ap ki had tak
main apni zat ko manzil bana ke chalta hun

Khaleel Mamoon

---

---

mujhe to ishq hai phulon mein sirf KHushbu se
bula rahi hai kisi lala ki mahak mujh ko

Khaleel Mamoon

---

---

aftar-e-roz-o-shab se kahan tak nibhaunga
thak-haar kar main ghar ki taraf lauT jaunga

Khaleel Mamoon

---

---

tum nahin aaoge KHabar hai hamein
phir bhi hum intizar kar lenge

Khaleel Mamoon

---

---

tum ho khoe hue zamane mein
main KHud apni hi zat mein gum hun

Khaleel Mamoon

---

---