qatra na ho to bahr na aae wajud mein
pani ki ek bund samundar se kam nahin

Junaid Hazin Lari

---

---

uki ruki si hai barsat KHushk hai sawan
ye aur baat ki mausam yahi numu ka hai

Junaid Hazin Lari

---

---

teri talash mein nikle to itni dur gae
ki hum se tai na hue fasle judai ke

Junaid Hazin Lari

---

---

udasiyan hain jo din mein to shab mein tanhai
basa ke dekh liya shahr-e-arzu main ne

Junaid Hazin Lari

---

---

usi ko dasht-e-KHizan ne kiya bahut pamal
jo phul sab se hasin mausam-e-bahaar mein tha

Junaid Hazin Lari

---

---

wo sadgi mein bhi hai ajab dilkashi liye
is waste hum us ki tamanna mein ji liye

Junaid Hazin Lari

---

---