ajab bahaar dikhai lahu ke chhinTon ne
KHizan ka rang bhi rang-e-bahaar jaisa tha

Junaid Hazin Lari

---

---

dekha nahin wo chand sa chehra kai din se
tarik nazar aati hai duniya kai din se

Junaid Hazin Lari

---

---

dur sahil se koi shoKH ishaara bhi nahin
Dubne wale ko tinke ka sahaara bhi nahin

Junaid Hazin Lari

---

---

ghairon ki shikasta haalat par hansna to hamara shewa tha
lekin hue hum aazurda bahut jab apne ghar ki baat chali

Junaid Hazin Lari

---

---

gham de gaya nashat-e-shanasai le gaya
wo apne sath apni masihai le gaya

Junaid Hazin Lari

---

---

ek sham-e-arzu ki haqiqat hi kya magar
tufan mein hum charagh jalae hue to hain

Junaid Hazin Lari

---

---

ishq hai ji ka ziyan ishq mein rakkha kya hai
dil-e-barbaad bata teri tamanna kya hai

Junaid Hazin Lari

---

---

kabhi is rah se guzre wo shayad
gali ke moD par tanha khaDa hun

Junaid Hazin Lari

---

---

kaliyon mein tazgi hai na phulon mein bas hai
tere baghair sara gulistan udas hai

Junaid Hazin Lari

---

---