tana-zan kufr pe hota hai abas ai zahid
but-parasti hai tere zohd-e-riya se behta

Joshish Azimabadi

---

---

saba bhi dur khaDi apne hath malti hai
teri gali mein kisi ka guzar nahin hargiz

Joshish Azimabadi

---

---

akhte hain dahanon pe sada mohr-e-KHamoshi
we log jinhen aati hai guftar-e-mohabbat

Joshish Azimabadi

---

---

phirte hain kai qais se hairan o pareshan
is ishq ki sarkar mein bahbud nahin hai

Joshish Azimabadi

---

---

naKHun-e-yar se bhi khul na saki
dana-e-ashk ki girah ai chashm

Joshish Azimabadi

---

---

munis-e-taza hain ye dard-o-alam
muddaton ka rafiq hai gham to

Joshish Azimabadi

---

---

kufr par mat tan kar ai shaiKH mere ru-ba-ru
mujh ko hai malum kaifiyyat tere islam ki

Joshish Azimabadi

---

---

kis tarah tujh se mulaqat mayassar howe
ye dua-go tera ne zor na zar rakhta hai

Joshish Azimabadi

---

---

KHar-zar-e-ishq ko kya ho gaya
panw mein kanTe chubhota hi nahin

Joshish Azimabadi

---

---