subh aata hun yahan aur sham ho jaane ke baad
lauT jata hun main ghar nakaam ho jaane ke baad

Jamal Ehsani

---

---

qarar ji ko mare jis ke nam se aaya
wo aaya bhi to kisi aur kaam se aaya

Jamal Ehsani

---

---

qarar dil ko sada jis ke nam se aaya
wo aaya bhi to kisi aur kaam se aaya

Jamal Ehsani

---

---

mujh ko malum hai meri KHatir
kahin ek jal buna rakkha hai

Jamal Ehsani

---

---

aur ab ye chahta hun koi gham baTae mera
main apni miTTi kabhi aap Dhone wala tha

Jamal Ehsani

---

---

kisi bhi waqt badal sakta hai lamha koi
is qadar KHush bhi na ho meri pareshani pa

Jamal Ehsani

---

---

KHud jise mehnat mashaqqat se banata hun 'jamal'
chhoD deta hun wo rasta aam ho jaane ke baad

Jamal Ehsani

---

---

KHatm hone ko hain ashkon ke zaKHire bhi 'jamal'
roe kab tak koi is shahr ki virani pa

Jamal Ehsani

---

---

jo pahle roz se do aanganon mein tha hail
wo fasla to zamin aasman mein bhi na tha

Jamal Ehsani

---

---