qatil ne kis safai se dhoi hai aastin
us ko KHabar nahin ki lahu bolta bhi hai

Iqbal Azeem

---

---

jis mein na koi rang na aahang na KHushbu
tum aise gulistan ko jala kyun nahin dete

Iqbal Azeem

---

---

junun ko hosh kahan ehtimam-e-ghaarat ka
fasad jo bhi jahan mein hua KHirad se hua

Iqbal Azeem

---

---

kuchh aise zaKHm bhi dar-parda hum ne khae hain
jo hum ne apne rafiqon se bhi chhupae hain

Iqbal Azeem

---

---

mere jurm-e-wafa ka faisla kuchh is tarah hoga
saza ka hukm fauri aur samaat sarsari hogi

Iqbal Azeem

---

---

pursish-e-haal ki fursat tumhein mumkin hai na ho
pursish-e-haal tabiat ko gawara bhi nahin

Iqbal Azeem

---

---

safar pe nikle hain hum pure ehtimam ke sath
hum apne ghar se kafan sath le ke aae hain

Iqbal Azeem

---

---

zamana dekha hai hum ne hamari qadr karo
hum apni aankhon mein duniya basae baiThe hain

Iqbal Azeem

---

---

yun sar-e-rah mulaqat hui hai aksar
us ne dekha bhi nahin hum ne pukara bhi nahin

Iqbal Azeem

---

---