jhuk kar salam karne mein kya harj hai magar
sar itna mat jhukao ki dastar gir paDe

Iqbal Azeem

---

---

aadmi jaan ke khata hai mohabbat mein fareb
KHud-farebi hi mohabbat ka sila ho jaise

Iqbal Azeem

---

---

is jashn-e-charaghan se to behtar the andhere
in jhuTe charaghon ko bujha kyun nahin dete

Iqbal Azeem

---

---

hum bahut dur nikal aae hain chalte chalte
ab Thahar jaen kahin sham ke Dhalte Dhalte

Iqbal Azeem

---

---

hath phailaun main isa-nafason ke aage
dard pahlu mein mere hai magar itna bhi nahin

Iqbal Azeem

---

---

e-niyazana guzar jae guzarne wala
mere pindar ko ab shauq-e-tamasha bhi nahin

Iqbal Azeem

---

---

arha un se na milne ki qasam khata hun main
aur phir ye baat qasdan bhul bhi jata hun main

Iqbal Azeem

---

---

apni miTTi hi pe chalne ka saliqa sikho
sang-e-marmar pe chaloge to phisal jaoge

Iqbal Azeem

---

---

ai ahl-e-wafa dad-e-jafa kyun nahin dete
soe hue zaKHmon ko jaga kyun nahin dete

Iqbal Azeem

---

---