sabhi apne nazar aate hain ba-zahir lekin
ruThne wala hai koi na manane wala

Iqbal Ashhar

---

---

aaj phir nind ko aankhon se bichhaDte dekha
aaj phir yaad koi choT purani aai

Iqbal Ashhar

---

---

phir tera zikr kiya baad-e-saba ne mujh se
phir mere dil ko dhaDakne ke bahane aae

Iqbal Ashhar

---

---

na jaane kitne charaghon ko mil gai shohrat
ek aaftab ke be-waqt Dub jaane se

Iqbal Ashhar

---

---

muddaton baad mayassar hua man ka aanchal
muddaton baad hamein nind suhani aai

Iqbal Ashhar

---

---

le gain dur bahut dur hawaen jis ko
wahi baadal tha meri pyas bujhane wala

Iqbal Ashhar

---

---

kisi ko kho ke pa liya kisi ko pa ke kho diya
na intiha KHushi ki hai na intiha malal ki

Iqbal Ashhar

---

---

jo us ke honTon ki jumbish mein qaid tha 'ashhar'
wo ek lafz bana bojh mere shanon ka

Iqbal Ashhar

---

---

'ashhar' bahut si pattiyan shaKHon se chhin gain
tafsir kya karen ki hawa tez ab bhi hai

Iqbal Ashhar

---

---