main ek bab tha afsana-e-wafa ka magar
tumhaari bazm se uTTha to ek kitab bana

Hasan Nayeem

---

---

main apni ruh mein us ko basa chuka itna
ab us ka husn bhi parda dikhai deta hai

Hasan Nayeem

---

---

kya firaq o faiz se lena tha mujh ko ai 'naim'
mere aage fikr-o-fan ke kuchh nae aadab the

Hasan Nayeem

---

---

kuchh usulon ka nasha tha kuchh muqaddas KHwab the
har zamane mein shahadat ke yahi asbab the

Hasan Nayeem

---

---

koi mausam ho yahi soch ke ji lete hain
ek na ek roz shajar gham ka hara to hoga

Hasan Nayeem

---

---

aa base kitne nae log makan-e-jaan mein
baam-o-dar par hai magar nam usi ka likkha

Hasan Nayeem

---

---

KHalwat-e-ummid mein raushan hai ab tak wo charagh
jis se uThta hai qarib-e-sham yaadon ka dhuan

Hasan Nayeem

---

---

KHair se dil ko teri yaad se kuchh kaam to hai
wasl ki shab na sahi hijr ka hangam to hai

Hasan Nayeem

---

---

kam nahin ai dil-e-betab mata-e-ummid
dast-e-mai-KHwar mein KHali hi sahi jam to hai

Hasan Nayeem

---

---