jo hai tazgi meri zat mein wahi zikr-o-fikr-e-chaman mein hai
ki wajud mera kahin bhi ho meri ruh mere watan mein hai
Haneef akhgar
jab bhi us zulf-e-pareshan ki hawa aati hai
hum to KHushbu ki tarah ghar se nikal jate hain
Haneef akhgar
izhaar pe bhaari hai KHamoshi ka takallum
harfon ki zaban aur hai aankhon ki zaban au
Haneef akhgar
ishq mein dil ka ye manzar dekha
aag mein jaise samundar dekha
Haneef akhgar
hasin surat hamein hamesha hasin hi malum kyun na hoti
hasin andaz-e-dil-nawazi hasin-tar naz barhami ka
Haneef akhgar
har-chand hama-gir nahin zauq-e-asiri
har panw mein zanjir hai main dekh raha hun
Haneef akhgar
har taraf hain KHana-barbaadi ke manzar be-shumar
kuchh Thikana hai bhala is jazba-e-tamir ka
Haneef akhgar
fuqdan-e-uruj-e-rasan-o-dar nahin hai
mansur bahut hain lab-e-izhaar nahin hai
Haneef akhgar
dekho hamari samt ki zinda hain hum abhi
sachchaiyon ki aaKHiri pahchan ki tarah
Haneef akhgar