mere Dub jaane ka bais na puchho
kinare se Takra gaya tha safina

Hafeez Jalandhari

---

---

mera tajraba hai ki is zindagi mein
pareshaniyan hi pareshaniyan hain

Hafeez Jalandhari

---

---

meri qismat ke nawishte ko miTa de koi
mujh ko qismat ke nawishte ne miTa rakkha hai

Hafeez Jalandhari

---

---

main wo basti hun ki yaad-e-raftagan ke bhes mein
dekhne aati hai ab meri hi virani mujhe

Hafeez Jalandhari

---

---

mabaada phir asir-e-dam-e-aql-o-hosh ho jaun
junun ka is tarah achchha nahin had se guzar jaana

Hafeez Jalandhari

---

---

kyun hijr ke shikwe karta hai kyun dard ke rone rota hai
ab ishq kiya to sabr bhi kar is mein to yahi kuchh hota hai

Hafeez Jalandhari

---

---

koi dawa na de sake mashwara-e-dua diya
chaaragaron ne aur bhi dard dil ka baDha diya

Hafeez Jalandhari

---

---

koi chaara nahin dua ke siwa
koi sunta nahin KHuda ke siwa

Hafeez Jalandhari

---

---

kis munh se kah rahe ho hamein kuchh gharaz nahin
kis munh se tum ne wada kiya tha nibah ka

Hafeez Jalandhari

---

---