tadbir ke dast-e-rangin se taqdir daraKHshan hoti hai
qudrat bhi madad farmati hai jab koshish-e-insan hoti hai

Hafeez Banarasi

---

---

kuchh is ke sanwar jaane ki tadbir nahin hai
duniya hai teri zulf-e-girah-gir nahin hai

Hafeez Banarasi

---

---

main ne aabaad kiye kitne hi virane 'hafiz'
zindagi meri ek ujDi hui mahfil hi sahi

Hafeez Banarasi

---

---

mile fursat to sun lena kisi din
mera qissa nihayat muKHtasar hai

Hafeez Banarasi

---

---

phul afsurda bulbulen KHamosh
fasl gul aai hai KHizan-bar-dosh

Hafeez Banarasi

---

---

sabhi ke dip sundar hain hamare kya tumhaare kya
ujala har taraf hai is kinare us kinare kya

Hafeez Banarasi

---

---

samajh ke aag lagana hamare ghar mein tum
hamare ghar ke barabar tumhaara bhi ghar hai

Hafeez Banarasi

---

---

wafa nazar nahin aati kahin zamane mein
wafa ka zikr kitabon mein dekh lete hain

Hafeez Banarasi

---

---

ye kis maqam pe lai hai zindagi hum ko
hansi labon pe hai sine mein gham ka daftar hai

Hafeez Banarasi

---

---