phul afsurda bulbulen KHamosh
fasl gul aai hai KHizan-bar-dosh

Hafeez Banarasi

---

---

mile fursat to sun lena kisi din
mera qissa nihayat muKHtasar hai

Hafeez Banarasi

---

---

main ne aabaad kiye kitne hi virane 'hafiz'
zindagi meri ek ujDi hui mahfil hi sahi

Hafeez Banarasi

---

---

kuchh is ke sanwar jaane ki tadbir nahin hai
duniya hai teri zulf-e-girah-gir nahin hai

Hafeez Banarasi

---

---

aasan nahin marhala-e-tark-e-wafa bhi
muddat hui hum is ko bhulane mein lage hain

Hafeez Banarasi

---

---

kis munh se karen un ke taghaful ki shikayat
KHud hum ko mohabbat ka sabaq yaad nahin hai

Hafeez Banarasi

---

---

kabhi KHirad kabhi diwangi ne luT liya
tarah tarah se hamein zindagi ne luT liya

Hafeez Banarasi

---

---

jo pardon mein KHud ko chhupae hue hain
qayamat wahi to uThae hue hain

Hafeez Banarasi

---

---

ishq mein marka-e-qalb-o-nazar kya kahiye
choT lagti hai kahin dard kahin hota hai

Hafeez Banarasi

---

---