mera wajud haqiqat mera adam dhoka
fana ki shakl mein sar-chashma-e-baqa hun main

Hadi Machlishahri

---

---

tum aziz aur tumhaara gham bhi aziz
kis se kis ka gila kare koi

Hadi Machlishahri

---

---

tu hai bahaar to daman mera ho kyun KHali
ise bhi bhar de gulon se tujhe KHuda ki qasam

Hadi Machlishahri

---

---

us ne is andaz se dekha mujhe
zindagi bhar ka gila jata raha

Hadi Machlishahri

---

---

uThne ko to uTha hun mahfil se teri lekin
ab dil ko ye dhaDka hai jaun to kidhar jaun

Hadi Machlishahri

---

---

wo puchhte hain dil-e-mubtala ka haal aur hum
jawab mein faqat aansu bahae jate hain

Hadi Machlishahri

---

---