ab kyun gila rahega mujhe hijr-e-yar ka
be-tabiyon se lutf uThane laga hun main

Hadi Machlishahri

---

---

ab wo piri mein kahan ahd-e-jawani ki umang
rang maujon ka badal jaata hai sahil ke qari

Hadi Machlishahri

---

---

ashk-e-gham uqda-kusha-e-KHalish-e-jaan nikla
jis ko dushwar main samjha tha wo aasan nikla

Hadi Machlishahri

---

---

edard mujh se sharh-e-gham-e-zindagi na puchh
kafi hai is qadar ki jiye ja raha hun main

Hadi Machlishahri

---

---

dil-e-sarshaar mera chashm-e-siyah-mast teri
jazba Takra de na paimane se paimane ko

Hadi Machlishahri

---

---

gham-e-dil ab kisi ke bas ka nahin
kya dawa kya dua kare koi

Hadi Machlishahri

---

---

ghazab hai ye ehsas warastagi ka
ki tujh se bhi KHud ko bari chahta hun

Hadi Machlishahri

---

---

har musibat thi mujhe taza payam-e-afiyat
mushkilen jitni baDhin utni hi aasan ho gain

Hadi Machlishahri

---

---

lutf-e-jafa isi mein hai yaad-e-jafa na aae phir
tujh ko sitam ka wasta mujh ko miTa ke bhul ja

Hadi Machlishahri

---

---