dil mein bhari hai KHak mein milne ki aarzu
KHakistari hua hai hamari qaba ka rang

Habeeb Musvi

---

---

fasl-e-gul aai uTha abr chali sard hua
su-e-mai-KHana akaDte hue mai-KHwar chale

Habeeb Musvi

---

---

gulon ka daur hai bulbul maze bahaar mein luT
KHizan machaegi aate hi is dayar mein luT

Habeeb Musvi

---

---

asal sabit hai wahi shara ka ek parda hai
dane tasbih ke sab phirte hain zunnaron pa

Habeeb Musvi

---

---

hazrat-e-waiz na aisa waqt hath aaega phir
sab hain be-KHud tum bhi pi lo kuchh agar shishe mein hai

Habeeb Musvi

---

---

ja sake na masjid tak jama the bahut zahid
mai-kade mein aa baiThe jab na rasta paya

Habeeb Musvi

---

---

jab ki wahdat hai bais-e-kasrat
ek hai sab ka rasta waiz

Habeeb Musvi

---

---

jo le lete ho yun har ek ka dil baaton baaton mein
batao sach ye chaalaki tumhein kis ne sikhai thi

Habeeb Musvi

---

---

karo baaten haTao aaina bas ban chuke gesu
inhin jhagDon hi mein us din bhi kitni raat aai thi

Habeeb Musvi

---

---