us se na miliye jis se mile dil tamam umr
sujhi hamein bhi hijr mein aaKHir ko dur ki

Ghulam Maula Qalaq

---

---

waiz ne mai-kade ko jo dekha to jal gaya
phaila gaya charand sharab-e-tahur ki

Ghulam Maula Qalaq

---

---

waiz ye mai-kada hai na masjid ki is jagah
zikr-e-halal par bhi hai fatwa haram ka

Ghulam Maula Qalaq

---

---

wo sang-dil angusht-ba-dandan nazar aawe
aisa koi sadma meri jaan par nahin hota

Ghulam Maula Qalaq

---

---

wo zikr tha tumhaara jo intiha se guzra
ye qissa hai hamara jo na-tamam nikla

Ghulam Maula Qalaq

---

---

zahe qismat ki us ke qaidiyon mein aa gae hum bhi
wale shor-e-salasil mein hai ek khaTka rihai ka

Ghulam Maula Qalaq

---

---

zuleKHa be-KHirad aawara laila bad-maza shirin
sabhi majbur hain dil se mohabbat aa hi jati hai

Ghulam Maula Qalaq

---

---

har sang mein kabe ke nihan ishwa-e-but hai
kya bani-e-islam bhi ghaarat-gar-e-din tha

Ghulam Maula Qalaq

---

---

amn aur tere ahd mein zalim
kis tarah KHak-e-rahguzar baiThe

Ghulam Maula Qalaq

---

---