jaan par apni hae kyun banti
baat jo mante kabhi dil ki

George Puech Shor

---

---

adam se hasti mein jab hum aae na koi hamdard sath lae
jo apne the wo hue parae ab aasra hai to bekasi ka

George Puech Shor

---

---

ek nazar ne kiya hai kaam tamam
aarzu bhi to thi yahi dil ki

George Puech Shor

---

---

ek KHayal-o-KHwab hai a 'shor' ye bazm-e-jahan
yar aur jam-o-subu sab kuchh hai aur phir kuchh nahin

George Puech Shor

---

---

hawa ke ghoDe pe rahta hai wo sawar mudam
kisi ka us ke barabar faras nahin chalta

George Puech Shor

---

---

hai talash-e-do-jahan lekin KHabar apni kise
jite-ji tak justuju sab kuchh hai aur phir kuchh nahin

George Puech Shor

---

---

guzishta sal jo dekha wo ab ki sal nahin
zamana ek sa bas har baras nahin chalta

George Puech Shor

---

---

dur hum se hain wo to kya Dar hai
pas hai apne aarsi dil ki

George Puech Shor

---

---

dil mein apne aarzu sab kuchh hai aur phir kuchh nahin
do jahan ki justuju sab kuchh hai aur phir kuchh nahin

George Puech Shor

---

---