talash-e-mani-e-maqsud itni sahl na thi
main lafz lafz utarta gaya bahut gahra
Faza Ibn e Faizi
shaKHsiyat ka ye tawazun tera hissa hai 'faza'
jitni sada hai tabiat utna hi tikha huna
Faza Ibn e Faizi
palkon par apni kaun mujhe ab sajaega
main hun wo rang jo tere paikar se kaT gaya
Faza Ibn e Faizi
nutq se lab tak hai sadiyon ka safar
KHamushi ye dukh bhala jhelegi kya
Faza Ibn e Faizi
mujhe tarash ke rakh lo ki aane wala waqt
KHazaf dikha ke guhar ki misal puchhega
Faza Ibn e Faizi
log mujh ko mere aahang se pahchan gae
kaun badnam raha shahr-e-suKHan mein aisa
Faza Ibn e Faizi
aankhon ke KHwab dil ki jawani bhi le gaya
wo apne sath meri kahani bhi le gaya
Faza Ibn e Faizi
kis tarah umr ko jate dekhun
waqt ko aankhon se ojhal kar de
Faza Ibn e Faizi
KHabar mujh ko nahin main jism hun ya koi saya hun
zara is ki wazahat dhup ki chadar pe likh dena
Faza Ibn e Faizi