mohabbat phul banne par lagi thi
palaT kar phir kali kar li hai main ne
Farhat Ehsas
meri ek umr aur ek ahd ki tariKH raqam hai jis par
kaise rokun ki wo aansu meri aaankhon se gira jata hai
Farhat Ehsas
mere sare badan par duriyon ki KHak bikhri hai
tumhaare sath mil kar KHud ko dhona chahta hun main
Farhat Ehsas
meri mohabbat mein sari duniya ko ek khilauna bana diya hai
ye zindagi ban gai hai man aur mujh ko bachcha bana diya hai
Farhat Ehsas
miTTi ki ye diwar kahin TuT na jae
roko ki mere KHun ki raftar bahut hai
Farhat Ehsas
phir tujhe chhu ke dekhta hun main
phir se qindil si jalai hai
Farhat Ehsas
qissa-e-adam mein ek aur hi wahdat paida kar li hai
main ne apne andar apni aurat paida kar li hai
Farhat Ehsas
mere har misre pe us ne wasl ka misra lagaya
sab adhure sher shab bhar mein mukammal ho gae the
Farhat Ehsas
phir soch ke ye sabr kiya ahl-e-hawas ne
bas ek mahina hi to ramzan rahega
Farhat Ehsas