kuchh der Thahar aur zara dekh tamasha
napaid hain ye raunaqen is KHak se baha

Ejaz Gul

---

---

koi sabab to hai aisa ki ek umr se hain
zamana mujh se KHafa aur main zamane se

Ejaz Gul

---

---

kabhi qatar se bahar kabhi qatar ke bich
main hijr-zad hua KHarch intizar ke bich

Ejaz Gul

---

---

jo qissa-go ne sunaya wahi suna gaya hai
agar tha is se siwa to nahin kaha gaya hai

Ejaz Gul

---

---

ajib shaKHs tha main bhi bhula nahin paya
kiya na us ne bhi inkar yaad aane se

Ejaz Gul

---

---

ho nahin paya hai samjhauta kabhi donon ke bich
jhuT andar se hai sach bahar se uktaya hua

Ejaz Gul

---

---

hawa ke khel mein shirkat ke waste mujh ko
KHizan ne shaKH se phenka hai rahguzar ke bich

Ejaz Gul

---

---

har mulaqat ka anjam judai tha agar
phir ye hangama mulaqat se pahle kya tha

Ejaz Gul

---

---

hairat hai sab talash pe us ki rahe musir
paya gaya suragh na jis be-suragh ka

Ejaz Gul

---

---