milta nahin KHud apne qadam ka nishan mujhe
kin marhalon mein chhoD gaya karwan mujhe

Chandrabhan Khayal

---

---

wo jahan chahe chala jae ye us ka iKHtiyar
sochna ye hai ki main KHud ko kahan le jaunga

Chandrabhan Khayal

---

---

waqt aur haalat par kya tabsira kije ki jab
ek uljhan dusri uljhan ko suljhane lage

Chandrabhan Khayal

---

---

tum jise samjhe ho duniya us ke aanchal ke tale
gesuon ke pech aur KHam ke siwa kuchh bhi nahin

Chandrabhan Khayal

---

---

teri parchhain simaTti jaegi
jaise jaise phailta jaega tu

Chandrabhan Khayal

---

---

subh aati hai dabe panw chali jati hai
gher leta hai mujhe sham Dhale sannaTa

Chandrabhan Khayal

---

---

sochta hun to aur baDhti hai
zindagi hai ki pyas hai koi

Chandrabhan Khayal

---

---

shahr mein jurm-o-hawadis is qadar hain aaj-kal
ab to ghar mein baiTh kar bhi log ghabrane lage

Chandrabhan Khayal

---

---

pas se dekha to jaana kis qadar maghmum hain
an-ginat chehre ki jin ko shadman samjha tha main

Chandrabhan Khayal

---

---