naya bismil hun main waqif nahin rasm-e-shahadat se
bata de tu hi ai zalim taDapne ki ada kya hai

Chakbast Brij Narayan

---

---

kiya hai fash parda kufr-o-din ka is qadar main ne
ki dushman hai barhaman aur adu shaiKH-e-haram mera

Chakbast Brij Narayan

---

---

lucknow mein phir hui aarasta bazm-e-suKHan
baad muddat phir hua zauq-e-ghazal-KHwani mujhe

Chakbast Brij Narayan

---

---

manzil-e-ibrat hai duniya ahl-e-duniya shad hain
aisi dil-jami se hoti hai pareshani mujhe

Chakbast Brij Narayan

---

---

maza hai ahd-e-jawani mein sar paTakne ka
lahu mein phir ye rawani rahe rahe na rahe

Chakbast Brij Narayan

---

---

ye kaisi bazm hai aur kaise us ke saqi hain
sharab hath mein hai aur pila nahin sakte

Chakbast Brij Narayan

---

---

zindagi kya hai anasir mein zuhur-e-tartib
maut kya hai inhin ajza ka pareshan hona

Chakbast Brij Narayan

---

---

zaban-e-haal se ye lucknow ki KHak kahti hai
miTaya gardish-e-aflak ne jah-o-hasham mera

Chakbast Brij Narayan

---

---

KHuda ne ilm baKHsha hai adab ahbab karte hain
yahi daulat hai meri aur yahi jah-o-hasham mera

Chakbast Brij Narayan

---

---