nale hain na aahen hain na rona na taDapna
be-KHud hun teri yaad mein fursat ke din aae

Aziz Hyderabadi

---

---

mushkil hai imtiyaz-e-azab-o-sawab mein
pita hun main sharab mila kar gulab mein

Aziz Hyderabadi

---

---

koi ruswa koi saudai hai
ek jahan aap ka shaidai hai

Aziz Hyderabadi

---

---

husn hai dad-e-KHuda ishq hai imdad-e-KHuda
ghair ka daKHl nahin baKHt hai apna apna

Aziz Hyderabadi

---

---

aankhon mein teri shakl hai dil mein hai teri yaad
aae bhi to kis shan se furqat ke din aae

Aziz Hyderabadi

---

---

gin raha hun harf un ke ahd ke
mujh ko dhoka de rahi hai yaad kya

Aziz Hyderabadi

---

---

duniya ki rawish dekhi teri zulf-e-dota mein
banti hai ye mushkil se bigaDti hai zara mein

Aziz Hyderabadi

---

---

dil Thikane ho to sab kuchh hai aziz
ji bahal jata hai sahra kyun na ho

Aziz Hyderabadi

---

---

dhaDakte hue dil ke ham-rah mere
meri nabz bhi chaara-gar dekh lete

Aziz Hyderabadi

---

---