main ek bori mein laya hun bhar ke mung-phali
kisi ke sath december ki raat kaTni hai

Aziz Faisal

---

---

aise bandon ko jaanta hun main
jin ka wahid ilaj malish hai

Aziz Faisal

---

---

kitni mazahiya hai ye botal ke jin ki baat
aaqa ab inqalab hai do chaar din ki baat

Aziz Faisal

---

---

ishq mein ye tafraqa-bazi bahut mayub hai
pyar ko shia wahabi aur sunni mat samajh

Aziz Faisal

---

---

hai kaamyabi-e-mardan mein hath aurat ka
magar tu ek hi aurat pe inhisar na ka

Aziz Faisal

---

---

do KHat ba-nam-e-zauja-o-jaanan likhe magar
donon KHaton ka us se lifafa badal gaya

Aziz Faisal

---

---

de rahe hain is liye jangal mein dharna jaanwar
ek chuhe ko rihaish ke liye bil chahiye

Aziz Faisal

---

---

das bara ghazliyat jo rakhta hai jeb mein
bazm-e-suKHan mein hai wo nishani wabaal ki

Aziz Faisal

---

---

cable pe ek shef se jaldi mein sikh kar
lai wo shimla-mirch ka halwa mere liye

Aziz Faisal

---

---