aaina-KHane mein khinche liye jata hai mujhe
kaun meri hi adalat mein bulata hai mujhe

Aziz Bano Darab Wafa

---

---

aaj kam-az-kam KHwabon hi mein mil ke pi lete hain, kal
shayad KHwabon mein bhi KHali paimane Takraen log

Aziz Bano Darab Wafa

---

---

ahmiyat ka mujhe apni bhi to andaza hai
tum gae waqt ki manind ganwa do mujh ko

Aziz Bano Darab Wafa

---

---

apni hasti ka kuchh ehsas to ho jae mujhe
aur nahin kuchh to koi mar hi Dale mujh ko

Aziz Bano Darab Wafa

---

---

ichhaD ke bhiD mein KHud se hawason ka wo aalam tha
ki munh khole hue takti rahin parchhaiyan hum ko

Aziz Bano Darab Wafa

---

---

ujha ke rakh gaya hai kaun mujh ko taq-e-nisyan par
mujhe andar se phunke de rahi hai raushni meri

Aziz Bano Darab Wafa

---

---

chaman pe bas na chala warna ye chaman wale
hawaen bechte nilam rang-o-bu karte

Aziz Bano Darab Wafa

---

---

charagh ban ke jali thi main jis ki mahfil mein
use rula to gaya kam se kam dhuan mera

Aziz Bano Darab Wafa

---

---

charaghon ne hamare sae lambe kar diye itne
sawere tak kahin pahunchenge ab apne barabar hum

Aziz Bano Darab Wafa

---

---