meri kahani raqam hui hai hawa ke auraq-e-muntashir par
main KHak ke rang-e-ghair-fani ko apni taswir kar raha hun

Aslam Mahmood

---

---

aa gaya kaun ye aaj us ke muqabil 'aslam'
aaina TuT gaya aks ki tabani se

Aslam Mahmood

---

---

main ek ret ka paikar tha aur bikhar bhi gaya
ajab tha KHwab ki main KHwab hi mein Dar bhi gaya

Aslam Mahmood

---

---

KHata ye thi ki main aasaniyon ka talib tha
saza ye hai ki mera tisha-e-hunar bhi gaya

Aslam Mahmood

---

---

kahan bhaTakti phiregi andheri galiyon mein
hum ek charagh sar-e-kucha-e-hawa rakh aae

Aslam Mahmood

---

---

hum dil se rahe tez hawaon ke muKHalif
jab tham gaya tufan to qadam ghar se nikala

Aslam Mahmood

---

---

guzarte ja rahe hain qafile tu hi zara ruk ja
ghubar-e-rah tere sath chalna chahta hun main

Aslam Mahmood

---

---

dekh aa kar ki tere hijr mein bhi zinda hain
tujh se bichhDe the to lagta tha ki mar jaenge

Aslam Mahmood

---

---

e-rang na wapas kar ek sang hi de sar ko
kab se tera talib hun kab se tere dar par hun

Aslam Mahmood

---

---