tum is raste mein kyun barud boe ja rahe ho
kisi din is taraf se KHud guzarna paD gaya to

Asim Wasti

---

---

meri zaban ke mausam badalte rahte hain
main aadmi hun mera e'tibar mat karna

Asim Wasti

---

---

mujhe KHabar hi nahin thi ki ishq ka aaghaz
ab ibtida se nahin darmiyan se hota hai

Asim Wasti

---

---

nahin wo sham-e-mohabbat rahi to phir 'asim'
ye kis dua se mere ghar mein raushni si hai

Asim Wasti

---

---

sikha na duaon mein qanaat ka saliqa
wo mang raha hun jo muqaddar mein nahin hai

Asim Wasti

---

---

tez itna hi agar chalna hai tanha jao tum
baat puri bhi na hogi aur ghar aa jaega

Asim Wasti

---

---

teri zamin pe karta raha hun mazduri
hai sukhne ko pasina muawza hai kahan

Asim Wasti

---

---

waqt be-waqt jhalakta hai meri surat se
kaun chehra meri tashkil mein aaya hua hai

Asim Wasti

---

---

zawiya dhup ne kuchh aisa banaya hai ki hum
sae ko jism ki jumbish se juda dekhte hain

Asim Wasti

---

---