ada se dekh lo jata rahe gila dil ka
bas ek nigah pe Thahra hai faisla dil ka

Arshad Ali Khan Qalaq

---

---

aalam-e-piri mein kya mu-e-siyah ka eatibar
subh-e-sadiq deti hai jhuTi gawahi raat ki

Arshad Ali Khan Qalaq

---

---

jab hua garm-e-kalam-e-muKHtasar mahka diya
itr khincha yar ke lab ne gul-e-taqrir ka

Arshad Ali Khan Qalaq

---

---

KHuda-hafiz hai ab ai zahido islam-e-ashiq ka
butan-e-dahr ghaalib aa gae hain kaba-o-dil pa

Arshad Ali Khan Qalaq

---

---

KHat mein likkhi hai haqiqat dasht-gardi ki agar
nama-bar jangali kabutar ko banana chahiye

Arshad Ali Khan Qalaq

---

---

KHaridari-e-jins-e-husn par raghbat dilata hai
bana hai shauq-e-dil dallal bazar-e-mohabbat ka

Arshad Ali Khan Qalaq

---

---

KHafa ho galiyan do chahe aane do na aane do
main bose lunga sote mein mujhe lapka hai chori ka

Arshad Ali Khan Qalaq

---

---

karo tum mujh se baaten aur main baaten karun tum se
kalim-ullah ho jaun main ejaz-e-takallum se

Arshad Ali Khan Qalaq

---

---

karenge hum se wo kyunkar nibah dekhte hain
hum un ki thoDe dinon aur chah dekhte hain

Arshad Ali Khan Qalaq

---

---